De Toro

Nunca fun demasiado fan deste escritor. Gustáronme moito Polaroid, Land Rover e (sobre todo) Tic-Tac. Non sei dicir que me pareceu exactamente Calzados Lola. Non me gustaron A sombra cazadora e Home sen nome. Teño ganas de ler Sete palabras, máis que nada porque seica fala de Zamora e eu xa levo década e pico vivindo á beira do Douro.
Pero hoxe vou erguer unha imaxinaria cunca de viño á saúde de Suso de Toro e desexarlle toda a sorte do mundo neste novo camiño que empeza. Optar polo silencio implica reflexión e humildade, dúas virtudes ben pouco frecuentes nos nosos días.